Tuesday 20 November 2012

BANKADA FRETILIN HO PD EZIJE GOVERNU ATU LABELE ESTIMA BTK


Tempo Semanal – Dili, 20/11/2012

Tuir dadus ne'ebe publika husi Governu hatudu katak BTK iha tinan ida bele manan projeitu Governu Timor Leste ninian ho valor liu milaun atus ida hanesan iha link noticia tuir mai ne'e 
http://temposemanaltimor.blogspot.com/2012/11/110-million-for-btk.html, nune'e duni obriga deputadu Inasio Moreira husi bankada opozisaun Fretilin ho deputadu Vergildo Hornai husi bankada PD ne’ebe mos hola parte iha governu Koligasaun ezije atu Governu labele foo tratamentu especial ba kompania estranjeiru sira liu-liu BTK hodi hetan projeitu bobo’ot nune’e supa orsamentu barak husi projeitu estadu ninian.

“Ha’u hanoin BTK tinan id abele manan projeitu bobo’ot to’o sanolu maibe la iha kualidade,”dehan Inacio Moreira iha pleanriu parlamentu Nasional  loron tersa (20/11).

Inacio ne’ebe iha momentu ruma kotuk hato’o ninia lamentasaun kona ba falta kualidade iha projeitu ne’ebe governu AMP foo fiar ba BTK hodi harii postu polisia unidade fronteira iha Batugade ne’e kestiona kona ba kapacidade BTK iha ezekusaun projeitu hirak ne’e no husu Governu atu husu tuir kapacidade pesoal tekniku hira maka BTK iha no mos kondisaun orsmentu kompania ninian.

Iha momentu hanesan mos Deputadu Vergildo Hornai husi PD realsa ezijencia parlamentar sira nian hodi husu ba Governu atu labele foo prioridade ba kompania BTK maibe presiza kapacita kompania Timor oan sira atu bele sai forte liu tan ba,”Timor oan maka funu la ukun rasik aan.”

Nia realsa liu tan katak Tempu ona atu Governante nasaun ne’e labele foo nafatin projeitu ba kompania ema estranjeiru sira nian hodi nune’e bele asegura cirkulasaun osan iha rai laran.

No comments: