Saturday 8 September 2012

NASIONALIZMU, PATRIOTIZMU NO EVENTU NASIONÁL KA INTERNASIONÁL


 By: Frederico NUNO Jerónimo Boavida

1.     Asuwain
 Asuwain mak Bibere no Maubere sira nebé luta ba ukun-rasik-an
Sira mak hirak nebé kaer prinsípiu mate ka moris ukun-rasik-an
Unidus ba Diplomata, gerileiru no klandestinu Asuwain sira
Wain nudar Asuwain mak haburas Forsa Rai-Laran hodi luta hasoru kolonialista no invazoor sira
Asuwain Estafeta, aileba no Falintil mak mata-dalan hodi luta ho dalan hamosu Rezisténsia
Iha Asuwain aten-berani sira mak Funu-nain nebé iha ai-lara-laran haburas Rezisténsia
Ne’e duni, Fretilin, Falintil, Renitil, CNRM, CNRT iha Rezisténsia TL nian mak hanaran ASUWAIN


2.     DOZE NOVEMBRU
Derepente rona tiru-teiru tarutu no haklalak maka’as iha reate
Oho tiha ona jovem sira nebé mak halibur iha rate
Zipur sira iha kalan 12/11/191, loron nebá kedas hahú hamoos rate Santa Cruz
Ema Timor-Lesteoan barak mak mate iha Masakre Dili, Timo-Leste - Santa Cruz

No jovem Timor-Lestoan barak tebe-tebes mak mate-raan
Oan mane Timor-Lesteoan mesak forte dit mak mate-raan
Viva! Viva Independénsia! Viva Fretilin! Viva Maubere! Viva Xanana No Viva Timo-Leste!
Ema sira mate ne’e, ohin hakilar: Viva Santa Cruz! Viva Ukun-an! Viva Timor-Leste!
Mate ho liman kumu-metin nudar sinal: “A Luta Continua!” lori buka lia-loos
Barak husi jovem Asuwain sira ne’e mak hetan kanek todan loos
Raan barak mak nakfakar iha rate Santa-Cruz, Dili
Ohin DOZE DE NOVEMBRU, Timor-Leste hotu mak hanoin hikas MASAKRE SANTA CRUZ, DILI

3.DIÁSPORA
Diáspora mak termus dezignadu ba Judeius sira nebé namkarii lemo-lemo
Iha momentu nebé mak Judeius sira halai husi pratika holokausstu lemo-lemo
Atu salva-an husi funu, Timor-Lesteoan mós hala’o Diáspor
Salva-an rasik husi geneosídiu mak obriga Timor-Lesteoan hala’o diáspora
Prátika diaspora Timor-Leste nian hahú mosu desde invazaun RI hasoru Timor-Lesteoan
Ofensa no agresaun militar RI 1975 mak hamosu diáspora husi Timor-Lesteoan
Rezisténsia obriga Timor-Lesteoan lori opta halai ba rai selu-seluk
Atu dehan katak funu, geneosídiu, persegisaun halo Timor-Lesteoan diáspora ba rai selu-seluk

4.  RENETIL
Rezisténsia buras mós iha joven estudanted universitáriu
Ema mundu liur hatene Timor-Leste nia luta liu husi estudante universitáriu
Nasionalizmu no Patriotimu mak karakteriza identidade RENITIL
Espíritu Juvenil sai forsa ba RENITIL
Timor-Lesteoan liu husi RENITIL mak nafatin luta hodi tuba metin
Independénsia mak ezize RENITIL hala’o luta lori tuba-metin
Luta, Liberdade no Rezisténsia mak hamosu RENITIL

5.     BANDEIRA RDTL
Bandeira RDTL nian konstitui koor haat
Atu dehan katak Timor-Leste luta hasoru buat hotu
Ne’e duni koor Bandeira RDTL nian ida-idak reprezenta objektivu ida
Defende atu Timor-Lesteoan sira moris iha PAZ mak koor mutin bandeira ninan
Entretantu koor mean mak luta ba Libertasaun Nasionál
Iha mós koor metan katak nakukun tenke lakon husi Teritóriu nasionál
“Rastos do Colonialismo” mak koor kinoor nudar fitar ida ba Timor-Lesteoan
Atu dehan katak Bandeira RDTL reprezenta objectivu nasionál

Repúblika katak sasan públiku mak ema Timor-Lestoan hotu nian
Demokrasia katak ukun nebé loos mak ukun povu nian
Timor-Leste mak Rai baluk ida husi Timor-RI no Timor-Leste
Leste mak rai nebé la’os pertense RI, maibé sim! Timor-Leste

6.     UKUN-RASIK-AN
Ukun nebé loos mak fó forsa ba an-rasik
Kaer metin nafatin ukun nebé fó forsa ba an-rasik
Ukun hanorin atu ita ema la bele tabele ba ema seluk
No ukun loos halo ita fiar-an molok fiar ema seluk

Rai ida atu hetan ukun-rasik-an tenke liu husi luta
Asaun ida nebé buka hamosu ukun-an mak ida nebé hala’o
Soberania mós sai metin liu tan ho Patriotizmu no Nasionalizmu
Independénsia garante Patriotizmu no Nasionalizmu nebé forte
Kaer metin ukun-rsik-an lori hala’o ba oin

Atu bele ukun-an ho didiak presiza hamriik-metin lori ba oin
Ne’e duni buat nebé kmanek mak ukun-rasik-an

7.     VINTE E OITO DE NOVEMBRO 1975
Vitória ida tan mak mosu iha loron ida ohin
Independénsia Timor-Leste nian proklama tiha iha loron ida ohin
Nasaun no Estadu la hein tan lori fó naran ba Estadu Timor-Leste foun mak RDTL
Timor-Leste hahú loron 28/11/1975 desde proklama ukun-an hahú tau naran RDTL
Ema lubun 1 ho CCF deklara iha 18/11/1975 Deklarasaun Unilateral Independénsia iha Proklamasaun

Ema Timor-Leste barak mak mate leet dit iha ai-laran no la rona proklamasaun

Ohin povu tomak hamriik lori fó sasin kona ba proklamasan unilaterál
Independénsia Timor hamriik lori fó sasin kona ba proklamasaun unilaterál
Timor-Leste nia Asuwain barak mate tamba defende independénsia
Ohin minutu ruma ita sei hanoin hikas Timor-Lesteoan nebé mate ba independénsia

Deklarasaun independénsia nian hala’o durante funu
Ema barak mak la hatene deklarasaun ne’e tanba funu

Novembro 1975, timor-Lesteoan sira hotu hafanu mundu
Ondas de proklamasaun iha momentu nebá hafanu duni mundu
Viva! Viva Asuwain Maubere hirak nebé hamriik dada bandeira
Ema Timor-Lesteoan komemora Loron Proklamasaun nian liu husi dada bandeira
Maubere mak luta no CCF mak deklara independénsia
Bibere mak suku bandeira maibé maubere inventa riin-bandeira; prosesu ida ne’e mak luta
Rai Timor Loro Sa’e sempre ida dit mak nafatin Rai Timor-Leste
Ohin ita sei hamriik Viva Timor-Leste!

1 – katak Timor-Leste hori-uluk-hori nanis desde beiala, kolonializmu to’o invazaun ema 1 dit
9 – katak iha Setembru 1975, ASDT muda-an ba Fretilin hodi proklama iha Novembro TL ida dit
7 – katak SEDE ka kadeira; simboliza puder/kbiit; atu hetan kbiit TL sei terus to’o ukun-an
5 – katak TL iha Estrela CCF hodi estabele estrutura kontra invazaun 7/12/1975 ba ukun-an

8.     GERILIA
Gerilia sai nudar Frente ida iha Timor-Leste nia Rezisténsia
Entretantu hala’o mós Frente Klandestina no Diplomasia durante Rezisténsia
Independénsia rai bara-barak nian iha mundu ne’e hetan liu husi Rezisténsia
Luta dezigual hasoru Timor-Leste obriga duni atu hala’o Diplomasia
Independénsia Timor-Leste nian ne’e, manan tiha funu naruk ida
Atu fiar ka la’e, Timor-Leste hala’o duni saida mak hanaran Gerilia

9.  FRETILIN
Fretilin mak inan no amano mós ba Timor-Leste nia luta
Rezisténsia mós mai husi Fretilin lori hala’o luta
Ema Timor-Lesteoan hotu iha fuan laran la nega Fretilin
Tanba Timor-Lesteoan hotu hetan ukun husi Fretilin
Iha Fretilin, ita rona mak rezisténsia ba ukun-an
Liberdade, Luta, Libertasaun no Revoulusaun hala’o husi Fretilin hodi hetan ukun-an
Independénsia nudar rezultadu husi Fretilin nia mate
No agor demokrasia moris mós husi Fretilin nia mate
  
10.        KLANDESTINIDADE
Klandestinidade mak via alternativa atu reziste iha funu
La iha karik klandestinidade, Timor-Leste mós la manan dauk funu
Avansa! Mate ka Moris, Ukun-rasik-an! Nudar moto reziste iha funu
Neneik ka lalais, uluk mehi Fretilin nian, Rai kiikoan Timor-Leste sei ukun-an
Diak liu mak hala’o klandestinidade, Fretilin nia rezisténsia, hetan ukun-rasik-an
Ema Timor-Leste hala’o duni klandestinidade lori hetan ukun-rasik-an
Saran-an ba gerília natoon dit  ho Asuwain sira integra-an iha Falintil
Timor-Lesteoan sira hala’o klandestinidade lori fó tulun ba Falintil
Independénsia Timor-Leste nian manan ho dalan: Diplomasia, klandestinidade no Gerilia husi Falintil

11.  DIPLOMASIA
Diplomasia katak negosiasaun nível altu lori Konvense rai selu-seluk
Iha diplomata Timor-Lesteoan bara-barak durante funu laran lori hala’o negosiasaun ho rai selu-seluk. Patriotizmu no Nasionalizmu mak lori Asuwain sira Timor-Lesteoan barani hala’o Diplomasia, Luta dezigual hasoru Timor-Leste obriga duni atu hala’o Diplomasia
Organiza-an iha Diáspora hamutuk ho Diplomata sira lori avansa iha luta ba ukun-rasik-an
Maubere Diplomata sira luta fortifeiu ba ukun-rasik-an
Asuwain Maubere no Bibere mak sai figura diak nudar Diplomata
Sira hotu hatudu nasionalizmu no Patriotizmu nudar Diplomata
Indepedénsia Timor-Leste nian, manan liu husi Diplomasia nudar Frente ida
Asuwain Díaspora lurta humutuk iha DIPLOMASIA nudar Frente ida

12.  JOVEM ASUWAIN
Jovem Timor-Lesteoan sira hotu, hamutuk ona ba!
Ohin, imi mak mahan atu hotu-hotu horik ba!
Viva Jovem Timor-Lesteoan sira hotu!
Ema Rai Timor-Leste tau laran ba jovem Timoroan hotu
Mai jovem Timor-Lesteoan hotu hamutuk hadiak imi mahan

Asosiasaun Joven unidos mak imi mahan
Sempre buka haburas no hariku-an liu husi imi-an
Unidus ba, Jovem Timor-Lesteoan sira hotu atu nune’e bele hariku imi-an
Referendu mak momentu a’as liu ba unidade
Ema Timor-Leste iha tempu barak nia laran mak la moris iha unidade
Ne’e duni Referendum sei sai marka espesiál ida ba Timor-Leste
Demokrasia hatudu-an duni liu husi Referendum nebé hala’o tiha ona ba Timor-Leste
Ukun-rasik-an nudar objektivu, no Referendum mak dalan
Maski ukun-rasik-an iha momentu barak mak sai mehi deit, maibé Referendum loke dalan

13.  REFERENDUM
Rasta malu no lulun malu ba tuir votasaun
Ema Timor-Lesteoan tokon ba tokon mak tuir votasaun
Fiar-an mak halo Timor-Lesteoan deside ukun-an
Ema Timor-Lesteoan liu husi Referendum, deside mós ukun-an
Refereum mak momentu a’as liu ba unidade
Ema Timor-Lesteoan iha tempu barak nia laran mak la moris iha unidade
Ne’e duni Referendum sei sai marka espesiál ida ba Timor-Leste
Demokrasi hatudu-an duni liu husi Referendum hala’o iha Timor-Leste
Ukun-rasik-an nudar objektivu, no Referendum mak dalan
Maski ukun-an iha momentu barak mak sai mehi deit, maibé Referendum loke dalan

14.  EMBUSKADA
Ema lubun boot mak mate leet tiha dit
Mane, foinsa’e no katuas sira mesak ema forte dit mak mate leet tiha dit
Buka dalan, buka ko’ak ka fatin mahan lori subar-an ba; buka be la hetan
Uza tátika militar nudar defensivu lori hasoru agresaun; mós la hetan
Saida mak forsa Asuwain Funu-nain sira tenke hala’o; se la’os fó-an ba mate
Kompanya bara-barak iha Falintil mak fó-an iha luta to’o mate
Akompamentu gerília nian bara-barak nakrahun to’o uut didiak
Destakementu Falintil nian, hafoin, nakfilak-an ba klandestinidade hala’o mós ho didiak
Aten-Barani Asuwain Falintil sira luta ba ukun-an to’o mate iha embuskada

15.  BIRU
Biru mak sasan lulik ida lori hamaluk netik kro’at
Iha BIRU; tuir lia-anin, mak ita hetan karik ta’a, tiru no sona; ita sei la hetan borus no kanek husi kro’at
Rai Timor-Leste nia Asuwain balun reziste iha funu laran tanba kaer Biru
Uluk iha luta ba ukun-an, Timor-Lesteoan hotu hakarak kaer Biru

16.  FUNU
Funu mak halo ferik-katuas, foin-sa’e no labarik sira halai namkarii
Ukun Estadu nian, durante funu, la bele halibur hikas sira nebé halai namkarii
Namkarii tanba rona kilat, sirene no alarme iha funu-laran tarutu
Ukun anarkist nian haklaken ninia kbiit liu husi kilat tarutu

17.  ASALTU
Atu heiin dit; Forsas Indonézias nian halo atake mak la’e duni
Sira Falintil, dala ruma, organiza-an halo atake uluk; hein dit hodi mate iha fatin mak la’e duni
Lalika hakfodak! Forsa Falintil barak mak mate tanba Falintil
Tiru malu loro-loron, semana, fulan tomak no tinan barak lori reziste iha funu
Ukun rasik-an Timor-Leste nian hetan ho mate, kanek no raan liu husi funu

18.  KÓDIGU
Kódigu iha konteistu klandestinidade TL nian mak ema nia naran uza iha funu
Ordem klandestinidade nian atu la temi naran sarani durante funu
Diak liu entre Asuwain uza kódigu atu nune’e inimigu TNI la deskobre
Indonézia hatene katak Falintil iha maibé la hatene kódigu atu deskobre
Gerilía, Diplomasia no klandestinidade, hala’o mós ho kódigu
Ohin Timor-Leste ukun-an ona; Timor-Lesteoan sira la presiza ona kódigu

19.  BUFU
Bufu mak kódigu jerál ida hatudu ba espiaun no INTEL TNI nian
Úniku via atu sobrevive iha funu mak Timor-Leste tenke hatene INTEL TNI nian
Falintil sira identifika espiaun no INTEL TNI nian ho kódigu atu deskobre Bufu
Ukun-an iha Timor-Leste nian ne’e hasoru dezafiu todan husi INTEL TNI nian nudar Bufu

 20.  LUTA
Luta mak dalan haka’as-an atu to’o ba buat ida
Ukun-an-rasik ba rai ida tenke hala’o liu husi luta ida
Timor-Leste hala’o tiha ona luta ida ho naran Rezisténsia
Atu dehan mós luta liu husi Diplomasia, gerília, Klandestinidade iha Rezisténsia

 21.  REFERENDUM HAMOSU UKUN-AN
Rona liafuan Referendum 3008/1999 Timor-Lesteoan hotu hamriik hodi: VIVA!
Ema Timor-Lesteoan bara-barak iha momentu nebá mak hakilar: Viva!
Feto ka mane, ferik no katuas, labarik no foen-sa’e, hotu-hotu: Viva Timor-Leste!
Entertantu, parte seluk mak hotar: Mate ba Timor-Leste!
Rádio, Televizaun, Revista no Jorná iha momentu nebá hasai tópiku Referendum
Emerito Laureadu Nobel ba PAZ Mgr. Belo mak hato’o pedidu ba ONU atu hala’o Referendum
Ne’e duni liafuan Referendum dit hamosu tiha ona estimulus-respons ka sensasaun ba ukun-an
Dadersan loron 30, Fulan Agostu, Tinan 1999, Timor-Lesteoan bara-barak hili ba ukun-an
Ukun-an halo ita Timor-Lesteoan hotu sai ida dit
Mate ka Moris; nafatin: Viva Independénsia! Timor-Leste ida dit

Hamutuk ba Timor-Lesteoan hotu! Haburas ukun-rasik-an
Atu hatene sentidu ukun-rasik-an
Mai! Mai ita hamutu! Aprende ho didiak
Oinsa bele ukun-rasik-an ho didiak
Sentidu ukun-rasik-an mai husi ita rasik
Ukun-rasik-an mak konduz ita-an-rasik

Unidus ita komemora loron Referendum
Katak ita hanoin hikas loron Referendum
Uluk ita hatene hala’o hamutuk opsaun ida ke loloos
Ne’e duni ohin mós ita hatene harii Estadu ida ke loloos

Atu nune’e Estadu de Direitu Timor-Leste nian sai metin ba nafatin
No Soberania nudar Estadu de Direitu mós sei metin ba nafatin

22.  FALINTIL
Frente ba Rezisténsia Timor-Leste nian
Asuwain Funu-Nain mak liman kro’at Timor-Leste nian
Luta to’o mate lori defende soberania
Independénsia mak garante soberania
Nasionalizmu no Patriotizmu sai forsa morál
Timor-Leste nia Falintil nakonu ho forsa morál
Iha inimigu ida dit mak ida nebé viola Direitus Umanus
Liberdade ka Independénsia nebé defende husi Falintil mak sei garante Direitus Umanus

23.  SERBISU RAI-OKOS
Serbisu-Rai-Okos TL nian iha duni no hala’o hamutuk to’o ba rohan ida dit
Ema sira ne’e la hatudu oin no la buka fama dit
Rona ida ne’e, ita hakarak hatene sira mak se?
Bibere, Maubere, estafeta, klandestinu: sira ne’e mak ita husu dauk: sira mak se?
Ida ne’e dit? La’e! sei iha barak liu tan
Sira seluk nebé uluk iha diáspora no sira seluk tan
Ukun-an Timor-Leste nian ne’e hetan tanba sira mós kontribui

Rezisténsia no gerilyeiru sira mós kontribui
Atu la bele haluha, ita temi dit naran balun lori hatene
Iha ne’e ita temi dit klandestinu hotu-hotu nebé ita konyese no hatene

Ó mós klandestinu ida tanba Ó hala’o buat dia ba Timor-Leste niamoris
Keta hanoin katak sira nebé naran iha dit mak halo timor-Leste moris
Ó, hau, nia, ami, imi, sira no ita hotu Timor-Lesteoan hala’o serbisu ida
Serbisu Rai-Okos nian ba buat diak lori moris nudar ema ida

24.  IRMANDADE SEKRETA
Irmandade-Sekreta ne’e hametin unidade entre funu-nain sira
Rai Timor-Leste haburas Irmandade-Sekreta liu husi funu-nain sira
Maun-alin Koran mak izemplu ida husi Irmandade-Sekreta
Atu hala’o Ko’a-Raan (KORAN) lori haburas Irmandade-Sekreta
Ne’e duni Irmandade-Sekreta mosu hodi halo koran entre ema sira fuik-leet
Dalan seluk mak Irmandade-Sekreta hatudu ba Senya, kódigu no biru kaer husi ema sira fuik-leet.
Atu deskobre koran ka Irmandade-Sekreta sei hatene liu husi Senya no Kontra-Senya
Dala barak Irmandade-Sekreta hamosu grupu oi-oin depende ba Senya no Kontra-Senya
Ema Timor-Lesteoan sira hala’o Irmandade-Sekreta liu husi haburas klandestinidade

Sosiedade Timor-Leste toman hala’o koran/Irmandade-Sekreta desde klandestinidade
Entretantu Irmandade-Sekreta ne’e lala’ok ida tuan tebe-tebes iha Timor-Leste
Koran/Irmandade-Sekreta ne’e kleur tebe-tebes ona beiala sira habura iha Timor-Leste
Rai Timor-Leste kriativu ho ordem/lala’ok hala’o Rezisténsia
Ema Timor-Leste hatene sobrevive durante funi iha Rezisténsia
Tan ne’e Irmandade-Sekreta kontribui maka’as ba Timor-Leste nia ukun-rasik-an
Atu dehan katak koran/Irmandade-Sekreta dudu prosesu ukun-rasik-an

25.  SENYA KONTRA-SENYA
Senya sai nudar kódigu informasaun ida durante funu
Ema nebé hatene Senya mak hatene mós sei hatene mós Kontra-Senya lori reziste iha funu
Ne’e duni Senya no Kontra-Senya hatene dit iha funu-nain sira leet
Yel...Yel (PROPAGANDA) ukun-an nian mós hala’o ho Senya iha funu-nain sira leet
Atu dehan katak Senya no Kontra-Senya iha hodi evita Bufu (Mauhuu ka Bihuu) infiltra iha Rezisténsia

Ne’e duni Senya no Kontra-Senya dala barak troka ba mai iha Rezisténsia
Ohin loron ukun-an la presiza hala’o ona Senya no Kontra-Senya basá sei iha tendénsia ba konspirasaun

Kona ba Senya no Kontra-Senya iha Estadu Indpendente sei la efektivu hodi evita konspirasaun.
Ohin loron kódigu, Senya no Kontra-Senya hotu ona; maibé TL nafatin haburas netik Koran
Ne’e duni konspirasaun sei la infiltra; maibé amizade no unidade sei buras liu husi koran
Tan ne’e, kódigu, Irmandade-sekreta (=koran), Senya no Kontra-Senya uluk importante ba Falintil.
Atu dehan katak Senya no Kontra-Senya mak sistema kodifikasaun no diskodifikasaun ba informasaun

Senya no Kontra-Senya uluk Evita infiltrasaun espionazem hodi Falintil bele transmite informasaun
Entretantu la husik mós Biru, Matan-Helik no Estafeta nebé mak kaer Senya no Kontra-Senya
Ne’e duni agora ukun-an ona; iha karik aktividade konspiratória tanba la’os ona tempu uza Senya
Yes mak NO! ka No mak Yes sai nudar Senya no Kontra-Senya nia izemplu ida
Atu dehan katak símbolu saida dit bele sai Senya no Kontra-Senya nia izemplu ida

26.  ESTAFETA
Ema Rezisténsia Timor-Leste nian hala’o serbisu Rai-Okos ho via alternativa mak estafeta
Serbisu Sekretu nebé hato’o informasaun entre Falintil ho Povu TL ne’e hala’o hui estafeta
Tátika estafeta ne’e mosu presizamente desde Baze de apóiu nakrahun
Atu dehan katak iha 1976 estafeta mak hahú serbisu desde Baze de apóiu nakrahun
Falintil Treinadu sira mak fó-an nudar estafeta durante funu
Estafeta sira sobrevive liu husi uza kódigu, senya, kontra-senya no biru durante funu
Timor-Lesteoan estafeta sira ne’e hala’o serbisu Diplomátika, gerília no klandestinidade nian
Atu dehan katak estafeta hala’o serbisu iha Frente tolu: Diplomasia, gerília no klandestinidade nian

27.  BIHUU
Bihuu atu hatudu ba Feto Timor-Leste nebé sai bufu ba TNI
Informasaun nudar fonte soran TL-oan sira hahú mosu husi Bihuu mak huu ba tilun TNI
Huu mak asaun hahú hamosu lia-soran hodi joga TL nia Patriota no Nasionalista hal’o husi Bihuu
Unidade nakrahun tiha iha Bibere nia leet tan feto barak mak sai Bihuu
Ukun-an ne’e hetan mós dezafiu todan husi Bihuu Timor-Lesteoan sira

28.  MAUHUU
Mauhuu mak mane TL huu-door ka sorandoor sira hala’o serbisu sekretu ba TNI
A’at tebes tanba Mauhuu hamosu fonte-informasaun falsa barak ba TNI
Unidade nakrahun iha Maubere leet tanba mane Timor-Lesteoan barak mak sai Mauhuu
Hanoin katak TL integraan loos ona ba RI mak mane oportunista hamosu Mauhuu
Úniku via atu sobrevive mak Maubere tenke hatene Mauhuu ninia pardeiru
Ukun-an TL nian harahun tiha ona Mauhu sira nia Pardeiru

29.  VIVA INDEPENDÉNSIA! VIVA!
Viva Independénsia! Viva Ukun-Rasik-An! Ida ne’e mak objektivu
Invazaun Indonézia nian ba Timor-Leste halo nakukun tiha ukun-an nudar objektivu
Viva Xanana! Viva Falintil! Viva Fretilin! No Viva Timor-Leste
Asuwain sira haklalak iha momentu nebé luta ukun-an ba Timor-Leste

Indonézia raan nakali hahú sunu, oho no tiru tuun-sa’e
Naran Falintil, Xanana no Fretilin uluk hamosu dit iha povu leet, mak TNI sei tiru tuun-sa’e
Demokrasi Golkar durante invazaun mak buat hotu no natoon ona
Ema nebé hakarak ukun-an mak sira nebé konsensializadu ona
Partidu Fretilin nafatin mobiliza Povu Timor-Leste liu husi konsensializasaun
Ema luta-nain hotu indoutrinazadu liu husi konsensializasaun
Nonok dit lori hala’o gerília, Diplomasia no Klandestinidade  iha Rezisténsia
Diáspora  Timor-Lesteoan sira iha mundu seluk mós hala’o rezisténsia
Ema hotu, labarik, ferik, katuas no foin-sa’e sira iha unidade hodi sai ema ida
No unidade ne’e metin lori halibur Timor-Lesteoan hotu hodi sai ema ida
Sosializa ba malu saida mak ukun-rasik-an
Indoutriniza espíritu patriotizmu no nasionalizmu ba ukun-rasik-an
Asuwain Timor-Leste sira trava funu dezigual to’o fó an ba mate

Viva Timor Oriental! Viva Timor-Leste! Viva Timor Loro-Sa’e! ami la tauk! Ba Ó, ami mate
Ida ne’e mak Asuwain no mate-restu sira tuba lori haklalak
Viva independénsia! Viva ukun-rasik-an! Timor-Leste tuba lori haklalak
Agora Ma! Mai ita komemora Timor-Leste nia ukun-rasik-an, Viva!

30.  KORAN
Koran mosu husi liafuan rua: ko’a no Raan
Ohin loron iha TL kompriende aliansa ka hala’o moruk tenke liu husi KORAN ka ko’a Raan
Raan garante aliansa ka moruk liu husi mate ka moris
Atu luta ba ukun-rasik-an tenke tuba-metin iha Rezisténsia ho prinsípiu mate ka moris
Ne’e duni KORAN toman antigu ida TL nian nebé konyesidu liu durante funu

31.  LARIGUTU
La akontese karik Akordu Larigutu
Agora mós istória Timor-Leste sei la temi naran Larigutu
Rai kiikoan ida ka laletekoan besik ba Monte Perdido ka Mundo Perdido
Iha nebá ita sei hakmatek moris iha mundo Perdido
Guvernu Indonéziu trasa Akordu Larigutu ho CNRT
Ukun-rasik-an TL nian iha loron nebá sai forte liu tan liu husi CNRT
Tan ne’e mak liu husi CNRT, Larigutu sai konyesidu
Ukun-rasik-an mós liu husi KONTAK DAME Larigutu

32.  HITU DEZEMBRO LORON INVAZAUN
Hateke ba leten, aviaun no parakedas mak hafalun kalohan iha leten a’as nebá
Indonézia nia ema, sasan no bandeira mak namtate naba-naban husi a’as nebá
Tiruteiru, granada, bombardiamentu, kainaun no bazuka tarutu nakrahun
Ukun-an Timor-Leste nian nebé deklara tiha ona loron hirak liu ba mós nakrahun

Derepente Dili rungu-ranga-rai-ranga boot no pániku; ahi lakan no suar hafalun rai
Ema halai la hatene malu no la tuir malu; hafahe no husik malu; tanis no halerik hafalun rai
Zipur, 330, RPKD, Nangala, Sukarelawan no Forsas Elite TNI nian mak tuun husi parakedas
Ema mesak armadu no fardadu ho kamfladu TNI nian tuun ho raan nakali husi Parakedas
Mane indonézia barak mak sei klosan nebé mai ho intensaun atu hadau
Balun la hatene tanba sukarelawan/voluntariadu, insentiva sira lori mai TL atu hadau
Rai Timor-Leste ne’e ukun-an tiha ona; maibé ohin TNI halo invazaun
Ohin Loron 7/12/1975, Indonéziu sira hatau Timor-Leste ilegalmente liu husi agresaun ka invazaun

Loron nebá a’at tebe-tebes mai ita Timor-Lesteoan tomak
Oan Timor-Leste tomak inklui bebee no feto-isin rua mak mate leet no lakon sasan tomak
Rai Timor-Leste nakrahun no uut didiak mak akontese iha 7/12/1975
Ohin mós ita hanoin hikas Asuwain barak mak mate ba agresaun militar TNI nian iha 7/12/1975
Ne’e duni Loron 7/12/1975 mak Loron Agresaun Militar no Invazaun TNI/RI hasour Timor-Leste

Ilegalmente Indonéziu sira hala’o invazaun liu husi atrosídiu no geneosídiu hasoru Timor-Leste
No lala’ok ida ne’e mak hamosu krime da guerra ka Krime grave husi aktu kriminál RI
Vitória nudar Independénsia TL nian iha 28/11/1975 hetan violasaun husi RI
Atitude barabaridade/cruel liu husi agresaun brutal no deumana hala’ ho atake militar
Zipur, 330, RPKD, Nangala, Sukarelawan no Forsas Elite TNI nia ohin hala’o atrosídiu militar
Asaun agresaun militar no aneksasaun ilegal husi TNI nian ne’e viola tiha TL ninia soberania
Ukun-an TL nian lakon derepente no troka ho vioalsaun hasoru soberania
Ne’e duni invazaun RI ne’e ilegal no viola dignidade no soberania Povu Timor-Leste nian

33.  REPÚBLIKA DEMOKRÁTIKA TIMOR-LESTE
Repúbika katak sasan públiku mak ema hotu nian
Estadu mak mahan ida ba sasan públiku nian
Povu mak klibur husi ema lubun nebé harii Estadu ida
Ukun-nain mak sira nebé kaer kbiit ukun estadu ida
Bandeira sai símblu ida husi símbolu nasionál selu-seluk
Luta nafatin atu lori Rai Timor-Leste ne’e ba dezenvolvimentu hanesan rai selu-seluk
Independénsia ninia objektivu mak atu to’o ba dezenvolvimentu
Kaer-metin independénsia lori hala’o dezenvolvimentu
Atu to’o ba dezenvolvimentu; povu tenke kaer sistema ida ke legal

Demokrasia mak Sistema Polítiku ida ke legal
Estadu de Direitu garante sistema polítiku legal iha Rai Timor-Leste
Moris-dia (Bem Estar) nudar objektivu dezenvolvimentu nian ba Timor-Leste
Opsaun estadu RDTL nian mak estadu de Direitu
Katak buat hotu lei no ordem mak define tuir Estadu de Direitu
Repúblika Demokrátika de Timor-Leste mak estadu ida ke soberanu
Aktu hotu nebé hametin Estadu de Direitu mak aktu soberanu
Timor-Leste koko dadaun atu hala’o Boa governasaun
Ideal ida ke hakarak hamate korupsun lori hamosu Boa-Governasaun
Korupsaun oho demokratizasaun, globalizasaun no provoda Estadu Falladu
Atu la mosu korupsaun tenke haburas demokratizasaun lori prevene Estadu Falladu

Timor-Leste mak Estadu soberanu ida harii husi nini independénsia rasik
Independénsia katak lala’ok ida atu ema ida-idak mak ukun-an-rasik
Mate ka Moris ukun-rasik-an mak sai objektivu husi Timor-Leste nia luta
Objektivu ida nebé Timor-Leste hetan liu husi: Diplomasia, Klandestinidade no gerília iha luta
Rai Timor-Leste mak baluk sorin husi Ilya Tomak Rai Timor

Leste mak rai baluk sorin nebé mak hetan ukun-rasik-an iha Ilya Timor
Entretantu Oeste mak Rai baluk seluk Timor nian integra-an ba RI
Sira Timoroan hotu husi Atambua to’o kupaun mak integra-an ba RI
Timor-Leste ukun-an-rasik nudar Estadu Soberanu tuir Estadu de Direitu haruka
Estadu RDTL kaer-metin Lei no Ordem tuir Estadu de Direitu haruka

34.  F-FDTL – PNTL APARELYU ESTADU NIAN
Falintil mak Forsas Gerília Timor-Leste nian
F-FDTL mak Forsas Defeza Timor-Leste nian
Defeza mak konseitu militar lori hatudu ba natureza F-FDTL
Timor-Leste molok ukun-an iha nanis Forsas ho naran Falintil, hafoin ukun-an mosu FDTL
La’os katak Forsas rua ne’e keta-ketak; Forsas rua ne’e ida dit

Polísia mós sai nudar Aparelyu Seguransa ba Estadu ida dit
Ne’e duni PNTL ka F-FDTL, hotu ne’e mak hamosu Korpu Seguransa
Timor-Leste haburas PNTL no F-FDTL nudar Korpu Seguransa
Lori defende Estadu RDTL nebé restura tiha ona ninia ukun-an

Aparelyu Estadu ne’e hakruuk ba ninia Estadu soberanu tanba ukun-an
Patrulyamentu mak movimentu husi Estadu aparelyu ida ne’e
Atuasaun militar só sei hala’o dit wainhira iha ameasas hasoru Estadu RDTL ida ne’e
Rona Ordem husi Komandu ida dit mak F-FDTL no PNTL nia Lema
Entretantu atua independentemente, wainhira Estadu RDTL  rekunyese Puder ida n’e nudar Lema.

Lema nebé hakruuk ba lei no ordem husi komandu ida dit hodi defende estadu ninia soberania.

Yel ka laema mós atu defende unidade, ingegridade no Estadu ninia Soberania
Unidos ba Timor-Leste hotu! Hakilar: Viva! Viva mós PNTL no F-FDTL

Estadu RDTL hamriik-metin iha pilar rua: PNTL no F-FDTL
Se los no saida tan mak sai seguransa iha Timor-Leste
Tuba-metin ba lori kaer-metin lema atu defende Rai Timor-Leste
Atua dit iha momentu dezizivu no krítiku
Defende no la’os atu halo atake iha momentu deizizivu no krítiku
Unidade Uluk iha PNTl no F-FDTL mak povu bele iha fiar ba imi

Ne’e duni PNtl no F-FDTL, timor-Leste tau fiar ba imi
Imi mak Asuwain no defensor ba Timor-Leste nia moris diak
Atu dehan katak PNTL no F-FDTL hametin Timor-Leste nia moris diak
Ne’e duni Timor-Lesteoan sira hamutuk haburas PNTL no F-FDTL ba!


Autor/Eskrito/Kompozitor: Frederico NUNO Jerónimo Boavida
Bahuu – Riamhare – Gruta Avo Augost da Silva Boavida – Hospital Vila Antiga Baucau
HP: 77 28 56 94
            frenujebov@hotmail.com


No comments: