Sunday 15 January 2012

Tempo Semanal Husu Deskulpa ba Leitores

Tempo Semanal, Dili 14/01/2012

Ho haraik aan manajemen ho fungsionariu Tempo semanal foo hatene ba maluk sira katak jornal nee labele emprime tan ba ami hetan krize orsamentu. Iha fulan nee ami haruka ona jornalista balun fila ba uma tan ba ami la iha orsamentu hodi produz jornal no selu kustu operasionais hotu.

Ami nia fundus sofre tan ba klientes sira selu tarde no balun lakohi selu sira nia tusan. Iha 2011 ami gasta orsamentu ne'ebe boot ba produsaun jornal ba instituisaun estadu Timor Leste maibe too ikus rejeita atu selu nunee ami tenke sakrifika ami nia jornalista no klientes sira nia interese.

Ami husi Manajemen sei halo esforsu atu halo moris fali jornal nee iha tempu oin mai. Maibe ami la iha kbiit atu promete bainhira loos maka ami bele hetan osan naton atu bele halao fali ami nia atividade hanesan uluk.
Ba inkonviniente hotu2 atan ami ho haraik aan hakruk ba imi.

5 comments:

Anonymous said...

Existensia media ne'e importante tebes iha era ida ne'e. Transmisaun informasaun ba publico iha Timor sei inportante liu tan iha futuru. Triste tebes ho kondisaun nebe ita bo'ot sira infrenta. Espera katak, maske officialmente Tempo semanal nia actividade Journalismu para mais, ba kolega tatoli nain Journalista sira sei kontunua hakerek no hatudu ba publico buat nebe ma marese sira hatene no hare. Obrigado, e secsuse iha Futuru. Atoi-Qld

Anonymous said...

Hau mos personalmente triste ba difuldade nebe itabot sira emfrenta. Espera loron oin mai TS bele komesa servicu fali

Anonymous said...

kuitaduuuuuuuuuuuuuuu
mate baaaaaaaaa

Anonymous said...

kuiiitaduuuuuu matee baaa

CJFS said...

Never give up. Things will be better. I am with you, guys. CJFS.