Monday 7 February 2011

Profesionais de Saude Hahu Greve


 Tempo Semanal-Dili,07.02.2011

Governu Ladun Tau Atensaun, Profisionais de Saude Hahu Greve Pasiente Bele Sai Vitima.

Hahu ohin loron Segunda Feira (07/02) profesionais Saude husi Ospital Nasional Guido Valadares, halo greve hodi protesta hasoru Politika Governu ninian kona ba implementasaun lei rejime especial ve maka to’o agora sei iha hela Gaveta Governu ninian.

“Ohin ami hahu greve no ne’e awal, “ dehan Manuel Pereira, Lia Nain ba Profesionais Saude sira maka halo greve.

Tuir Observasaun ho greve ne’e sakrifika direitu husi ea mos sira nian atu hetaan atendimentu. Pasiente ne’e hein too tuku sia liu fila de’it tan ba parte Radiolojia taka hela. Iha parte balun atividade Ospital ladun la’o hanesan bain-bain inklui laboratoriu. 

“Husu Governu atu resolve lalais problema greve ne’e atu nune’e labele fo impaktu negativu ba ami sira ne’ebe moras ne’e,” dehan Marcio, pasientes ida ne’ebe hein hela atu halo radio Gravia.

Durante dialogu entre Profesional de saude sira ho ofisiais Ministeiru Saude ninian iha semana kotuk mosu diskuasaun manas ho lian aas. Iha momentu ne'eba profesional de Saude sira aviza ona ba parte kompetente atu rezolve sira nia direitu se la'e maka hahu ohin sira halo greve. (TS).

No comments: