Wednesday 16 February 2011

DR. Ana Pessoa Linava Kazu Alegasaun KKN Hahu husi Vice PM too Xefe Suku

Breaking News
Tempo Semanal-Parlamentu Nasional, 16.02.2011

Ohin Prokuradora Jeral da Republika (PJR) Dr Ana Pessoa hatoo ninia relatoriu anual iha uma fukun Timor leste. Iha tuku 11.00 dader DR. Ana lee ai lista naruk naran ukun nain no emprezariu nasional sira ne'ebe hetan allegasaun KKN.
DR. Ana rekuinese katak iha area justica sei hasoru problema boot no instituisaun sei frajilu maibe iha parte seluk PJR, DR. Ana hahu sani sani sai naran ema hirak ne'ebe tama iha lista akuzasaun ba KKN.

PRR hahu linava hahu ho naran Vice Primeiru Ministru ninia naran, tuir kedan ho naran Ministru Negosiu estranjeiru, tuir Ministru administrasaun estatal, diretores balun husi Ministeiru lubun ida, administradores Distritu inklui xefe suku, Pntl no emprezariu Nasional ida ne'ebe ninia naran Erziu.

DR. Jose Luis Guterres, Vice Primeiru Ministru, Ministru Negosiu do Estranjeiru, DR. Zacarias Albano da Silva, Arcanjo Leite, Ministru Estatal do orneamentu teritotial,............," sani husi DR. Ana Pessoa.
DR. Ana Pessoa katak dehan kuran prokuradores da republika fo impaktu ba servisu PJR ninian.



PJR taka ho apela ba deputadu Parlamentu Nasional ninia apoiu ba PJR atu bele aijuda instituisaun ne'e bele dezempena ninia fungsaun.

Prezidenti paralamentu Nasional apelu mos ba derputadus no governu hodi apoiu PJR.
Intervensaun primeiru husi bankada opozisaun DR. Aniceto Guterres. Guterres hahi PJR ninia esforsu. "Maske ho difikuldades oin-oin maibe hau tenke kongratula ita boot ninia esforsu toma," dehan Aniceto.
DR. Guterres kestiona rezultadu servisu Komisaun Anti Korrupsaun ninia servisu.

"Hau husu esplikasaun kona ba relasaun servisu entre KAK ho PJR. No kazu hira ona maka KAK investiga durante de tinan ida," dehan Guterres.

Deputadu Arao Noel husi Bankada CNRT kestiona kona ba lista kazu pendenti no tranzitada. Nia kestiona kapasidade PJR ninian iha rezolve kazu KKN ne'ebe iha 2009 hamutuk 44 no iha 2010 hamutuk 39. Arao mos husu esplikasaun ba PJR ninia apareser kona ba OJE 2011.

DRA. Fernanda Borges husi PUN foo parabeins ba ninia feto maluk mak lidera Prokuradoria jeral da Republika. Deputada Borges kestiona vontade atu kombate KKN nune'e duni nia kestiona bainhira maka Ministrus no ukun nain seluk mak akuzadu ba KKN maibe seidauk suspende husi sira nia kargu.

 Tuir fontes Jornal ne'e iha Tribunal distrital dili dehan kazu kontra membru do Governu balun sei labele julga lai wainhira sira nia imunidade seidauk hasai no seidauk hetan suspensaun husi ninia kargu.

Deputadu Rui Meneses kontesta imdependenti PJR ninian iha kazu interpretasaun lei ba kazu OJE 2011 no akuzasaun ba kazu KKN. Deputadu Rui apela ba PJR atu labele rona husi Partidu seluk maka halo ninia servisu. (TS).

No comments: