Saturday 12 February 2011

AMP Habokur Emprezariu Hodi Tulun Fretilin

Tempo Semanal-Dili, 12.02.2011

Tuir nota ne'ebe vice prezidenti partidu Fretilin dehan iha loron 11/02/2011 partidu istoriku ne'e halo atividade buka osan ba kongresu iha fulan Setembru tinan ne'e.
·     
Foto husi FB, Vise Prezidenti Fretilin Arsenio Bano
 "Emprezarius, militantes FRETILIN no Convidadus atende jantar buka fundus apoiu eleisaun direta ba Lideransa FRETILIN halo iha Hotel Arbiru iha loron, 11 Fevereiro 2011," dehan iha Prezidenti partidu Fretilin, Arsenio Bano ninia Face book.

Nia haktuir katak, "Angriasaun fundus nee hetan duni apoiu husi partisipantes nebe kontribui husi $100 to'o $35,000, refleta antusiasmu apoiu ba FRETILIN hodi promove demokrasia iha Timor-Leste liu husi eleisaun direta ba lideransa FRETILIN nian."

"FRETILIN prepara hela atu organiza eleisaun direta atu eleje lideransa FRETILIN nian husi militantes sira molok Congressu FRETILIN iha Setembru 2011."

"FRETILIN sai nafatin hanesan ezemplu no pioneiru nebe kontinua promove demokrasia iha Timor Leste hafoin lori tiha rai nee hetan ukun rasik an."
Foto husi Vice Prezidenti Fretilin, Arsenio Bano nia FB 

"Too jantar nee remata fundus nebe konsege liu $700,000 la konta ho sira nebe hato'o tiha ona sira nia apoiu maibe la marka sira nia prejensa iha Hotel Arbiru," relata Bano ne'ebe dala barak hanesan membru parlamentu Nasional sempre kestiona kualidade projetu husi emprezariu sira ne'ebe iha loron 11/02/2011 naksulin dollar balun ba kaixa koleta Fretilin ninian.




Iha parte seluk estudante Universidade ida iha Dili dehan lala'ok ne'e hatudu momos katak AMP mak ukun, emprezariu raut osan liu husi projeitu la ho kualidade, povu maka sofre maibe osan hodi hatama ba kaixa Fretilin ninian.
Foto husi FB, Vice Prezidenti Fretilin, Arsenio Bano 


"Ha'u hanoin ida ne'e drama ida. Se karik Fretilin manan fali elisaun maka hakarak ka lakohi Fretilin sei iha dever moral atu foo nafatin projeitu ba emprezariu sira ne'ebe kee dala barak halo sasan la ho kualidade hodi prejudika interese komun maibe enxe osan ba sira nia konta bankaria de'it," dehan F. X. da silva Soares estudante UNTL fakuldade ekonomia.



"Ha'u hakarak akresenta katak de'it katak ha'u mos Fretilin maibe se ita hakarak kombate KKN ne'ebe lor-loron ita nia deputadu sira hakilar beibeik entuan diak liu sira la devia halo malam dana simu osan husi emprezariu ne'ebe hetan alegasaun hanesan foos, mina no konstrusaun ne'ebe la iha kualidade,"nia hatutan.


"Se diak liu Fretilin para tiha ho kampania KKN iha parlamentu tan ba hamoe mos hau hanesan jerasaun fretilin ida. I ita hakilar Primeiru Ministru Xanana lor-loron ho KKN maibe iha tempu hanesan ita mos husu hela osan ba ema sira ne'ebe ita deskonfia maka ita alega," nia sujere. 


Tuir letratu ne'ebe mostra iha Facebook (FB) vice Prezidenti partidu Fretilin ninian hatudu momos prezensa emprezariu lubun boot ida ne'ebe barak hetaan asesu fasil ba manan tender iha governasaun AMP maibe halo projeitu barak maka la ho kualidade hanesan mahasiswa futuru jerasaun ida sita iha leten ne'e. Emprezariu sira ne'e barak maka manan projeitu hanesan konstrusaun inklui Prokuradora Jeral ninia gabinete ne'ebe bele nota nakfera no nakloke daudaun, Ukun nain ba pakote referendum ne'ebe too agora ema sei hetan nafatin lamentasaun no projeitu sira seluk.(TS).

2 comments:

Anonymous said...

Ita labele kahur sasan nebe la hanesan.

1. Governo AMP fo projektu ba Emprejarius. tamba emprejarius hanesan parseirus ba dezenvolvimentu.
2. FRETILIN hanesan organizasaun partidaria ida presiza fundus atu bele moris. No FRETILIN iha nia nia militantes no simpatizantes nebe mai husi sektor oi-oin hanesan, kuadrus, estudantes, joventudes, membru governu, membru parlamentu, emprejarius, no seluk tan.

Entaun: iha Item nebe emprejariu sira hatoo ba Governu nunka mais hakerek tan ba katak ITEM IDA NEE ATU SUPORTA BA PARTIDU OPOZISAUN KA PARTIDU NEBE UKUN.

Maibe wainhira FRETILIN konvida nia militantes no simpatizantes sira nia tulun entaun Domingos Maubere da Silva hanesan Direktur ba Empreza ida iha direitu no dever atu fo tulun.


Governu iha dever atu fo ba Emprejariu sira saida mak emprejariu sira nia direitu no emprejariu sira tenki halo saida mak sira nia dever. maibe saida mak sai ona ema ida nia direitu entaun konforme ema nee hakarak uza ba saida deit..!!!


Maibe prosesu ida Governu fo projektu ba emprejariu sira nee mak la'o la los entaun sai ona kestaun no Membru parlamentu hotu la'os opozisaun deit mak iha dever atu kritika ka expresa sira nia hanoin, ka kansela, tamba Osan nee Povu Timor Leste nia osan, laos I ka II ka III ka IV Governu nia osan.


Obrigado e abraços,

Anonymous said...

Ita labele kahur sasan nebe la hanesan.

1. Governo AMP fo projektu ba Emprejarius. tamba emprejarius hanesan parseirus ba dezenvolvimentu.
2. FRETILIN hanesan organizasaun partidaria ida presiza fundus atu bele moris. No FRETILIN iha nia nia militantes no simpatizantes nebe mai husi sektor oi-oin hanesan, kuadrus, estudantes, joventudes, membru governu, membru parlamentu, emprejarius, no seluk tan.

Entaun: iha Item nebe emprejariu sira hatoo ba Governu nunka mais hakerek tan ba katak ITEM IDA NEE ATU SUPORTA BA PARTIDU OPOZISAUN KA PARTIDU NEBE UKUN.

Maibe wainhira FRETILIN konvida nia militantes no simpatizantes sira nia tulun entaun Domingos Maubere da Silva hanesan Direktur ba Empreza ida iha direitu no dever atu fo tulun.


Governu iha dever atu fo ba Emprejariu sira saida mak emprejariu sira nia direitu no emprejariu sira tenki halo saida mak sira nia dever. maibe saida mak sai ona ema ida nia direitu entaun konforme ema nee hakarak uza ba saida deit..!!!


Maibe prosesu ida Governu fo projektu ba emprejariu sira nee mak la'o la los entaun sai ona kestaun no Membru parlamentu hotu la'os opozisaun deit mak iha dever atu kritika ka expresa sira nia hanoin, ka kansela, tamba Osan nee Povu Timor Leste nia osan, laos I ka II ka III ka IV Governu nia osan.


Obrigado e abraços,