Amo Bispo Belo Simu Premiu husi MIL

Tempo Semanal-Dili, 20.02.2011

Iha loron (21/02) Eis Bispo Diosese Dili sei simu premiu personalidade Lusofona ba tinan rihun rua sanolu ninian. Iha karta de konvite ne'ebe hasai husi Movimentu Interncional Lusofona (MIL) ne'e hafutar ho Dom Carlos Filipe Ximenes Belo, SDB ninia letratu.

Iha konvite refere hakerek katak ceremonia atribuisaun Premiu ne'e sei akontese iha tuku 17 minutu 30, iha sede Akademia. Ema ne'ebe sei prezide sesaun entrega premiu lusofona ne'e ba Amo Belo maka Profesor Doutor Adriano Moreira.

Dom Carlos F. Ximenes Belo, SDB simu premiu lubun ruma ona no premiu ne'ebe aas liu nia koleta maka komite Premiu Nobel da Paz rekuinese esforsu ne'ebe Bispo ne'e halo iha tinan 1996. Bispo ne'e dala barak tebes halo sakrifisiu hodi defende justica ba emas kbiit laek sira inklui sai lian ba ema dadur nunuk sira iha tempu okupasaun Militar Indonesia ninian.

Amo Belo dala barak ba vizita postu TNI no prizional Indonesia ninian hodi buka hatene tuir dadur sira sira nia situasaun. (TS)