Saturday 27 November 2010

PR HORTA FOO POSE VICKY HO NELSON NU'UDAR EMBAIXADOR NO EMBAIXADOR UE SAI SASIN BA KAZU KONTRA VPM

TEMPO SEMANAL-DILI, 26.11.2010

Prezidenti da Republika Demokratika de Timor Leste, DR. Jose Ramos Horta, ohin foo tomada de pose ba embaixadora Dra.Vicky Tchong, eis Secretária-Jeral ba Ministério Negócios Estrangeiros. Dra. Vicky sei troka Embaixador Olimpio Branco. Prezidenti Horta deseju sucesu ba misaun ne'ebe simu husi diplomata senior nain rua iha Ministeiru Negosiu Estranjeiru ne'e.
Iha Horta ninia deskursu nia valoriza tebes relasaun amijade entre ninia nasaun ho Xina. Tuir eis Ministru negosiu estranjeiru iha Governu Primeiru ne'e nia hanoin katak Xina hanesan, "potensia mundial iha asentu nu'udar membru husi konsellu Permanente ONU ho direitu atu Veta iha konsellu Segunsa Nasoins Unidas nian."
Nia hatutan katak, "Xina kada vez mais sei sai hanesan interlukotor determinante hodi determina estabilidade global."
Iha momentu hanesan mos Prezidenti da Republika fo Tomada de pose ba Eis Reprezentante Permanete Timor Leste ba ONU DR. Nelson Dos Santos hodi reprezenta Nasaun ne'e iha Bruselas no Uniaun Europeia.
Dexde DR. Jose Amorin Dias Ximenes dada hikas mai Dili, Timor leste la iha embaixador ba Uniaun Europeia.
Depois de tomada de pose embaixador Timor Leste ba Bruselas DR. Nelson dos Santos ba presta deklarasaun iha julgamentu ba dahuluk kazu alegasaun hariku aan elisitu no abuzu de poderes ne'ebe kontra Vice Primeiru Ministru DR. Jose Luis Guterres iha tribunal distrital Dili ne'ebe ajenda ona ba tuku 14.30.
Julgamentu ne'e rasik la'o ho di'ak maske mosu litik kroat husi parte advogado hasoru DR. Nelson. Maibe Diplomata ne'ebe simu pose oras ruma antes ne'e kalma hatudu evidencia balun no hataan kalma de'it.

No comments: