Thursday 15 July 2010

STL Hakerek Pedro Nega Veteranus Hirus STL Monu Ain

Iha tuku 10.25 oras TL dadersan eis veteranus sira tuur haleu ona meja konferensia Parlamentu Nasional hodi denunsia sai sira nia hanoin kona ba polimika deskonfia deklarasasun husi komandante Polisia estasaun Distritu Dili Pedro Belo ne’ebe foo publika sai iha Jornal SUARA TIMOR LOROSAE (STL) edisaun No. 8781/tinan XVII, loron Tersa, 13 Jullu 2010 ho titlu, “Diskunfia, L-7 Komete Negosiu Ilegal” ho sub titulu, “PNTL Prende Roda foun 60 Liu.”

Deputadu husi bankada Fretilin ne’ebe iha tempu rezistensia hanesan secretariu CEL/FC troka saudozu Sabalae mak loke konferensia de imprensa ne’e hodi fo liu tempu ba Renan Selak eis Sekretariu Rejiaun Gerrilla numeru Um, hanesan lian Nain ba komisaun ne’e. Faustino Renan informa ba jornalista sira katak, “desde sira (red. Veteranus) asiste televizaun sira hahu halo reasaun a nivel nasional. Sira ejiji mai ami katak problema ne’e ami labele husik. I ami sei lori problema ne’e ba oin too loron rum abele hetan solusaun, solusaun ida ke bele hasoru ami nia hanoin.”
Renan informa ba publiku katak ho konkordansia husi veteranus nian, sira hili ona eis komandante gerilla Gill da Costa sai hanesan koordenador no ninia membru nain 12 ne’ebe interesante mai husi partidu oi-oin no teritoriu tomak. “Ami kuandu lori problema ne’e ba oin, atu membru governu, atu ministru defeza, atu entidade ruma maka iha interese atu foo solusaun ba problema ne’e sei labele resolve individualmente ho membru ida de’it, nem que seja ho ami ne’ebe implikadu ka involvidu iha problema maibe tenke ho komisaun,” esplika Renan.
Tuir Veteranus sira ne’e consider problema refere iha nosaun rua. “Primeiru problema politiku hanesan mos problema juridiku. “Ami konsidera ida ne’e tan ba esteitmentu Sr. Komandante Pedro nian ne’ebe sai iha STL, i ohin ami haree fali jornal STL nian dehan hadia tiha ona. Ami nia komentar mak ne’e, se mak bele kompriende STL maka hakarak hakerek sala, kuandu hakerek artigu tolu ke naruk lahalimar liga artigu ne’e, artigu tolu ne’e liga malu. Se mak bele kompriende katak STL maka hakerek sala. I ha’u fiar, ami lor-loron, ami veteranus ne’ebe ami moris ho ita boot sira durente kuaze tinan 10, ami hatene katak media ruma kuandu halo, atu hakerek buat ruma primeiru halo intervista, i intervista ne’e tenke husi gravasaun mak ba hakerek,” dehan Renan.
“Ami nia pozisaun maka ne’e, se Pedro sala hasai. Tan ba esteitmentu tolu ne’e liga malu i depois STL ohin hadia katak sira maka hakerek sala. Se STL maka sala taka,” Renan koa’lia ho liman loos mak kaer hela lapiza foo sinal (re: doku).
Nia realsa, “ne’e ami nia pozisaun, Pedro sala duni nia sai, STL mak sala, STL tenke taka.”
Iha parte seluk David Ximenes sani hikas lia fuan ne’ebe sunu veteranus sira nia hirus iha paragrafu 8 jornal STL ne’ebe hakerek katak, “Pedro dehan, tempu atu sura kolen hanesan Veteranus ka heroi liu ona. Agora tempu atu povu hamriik iha lei nia okos.”
“Se karik ida ne’e maka ko’alia duni, enatun ita dehan hanesan ne’e, kuandu ita hamriik iha Upacara ruma, ceremonia ruma dehan katak um minute de silensiu ba Erois sira ita tenke lalika halo.Ita ko’alia fali ba reparasaun dos vitima lalika ona.Ita ko’alia fali ba veteranus nia prosesu lalika ona. Ita para hotu tiha de’it ona. Artigu 11 konstituisaun ninian ita tenke reve fali ona, purke dehan katak liu ona,” esplika Manu Dati.
Nia kestiona, “ tan bas a ida? Rekonsiliasaun permatura, la iha metodu ida. Ida ne’e maka buat sira ne’e ohin loron sai hanesan ne’e, ” Davis Esplika.
Nia hatuir, “Se ita nia lain, ita nia maun, Pedro sala, ninia lia fuan sala, ninia destinu iha. Ami sei ko’alia ho ministru de defeza ho Seguransa ninia, para iha prosesu ida.”
“Se karik STL maka STL, pasiensia, mais ida ne’e labele ona. Purke ida ne’e hanesan fali be, provokasaun ne’e beibeik de’it ona. Ralat, ralat. Ohin ko’alia sala, hodi seik ko’alia sala, bainrua ko’alia sla...ralat hela de’it...ralat hela de’it mas sira ba beibeik formasaun opiniaun publika ne’e iha hela. Politika ne’e formasaun opiniaun publika mak menentukan,” deskonfia David Ximenes.
Iha edisaun STL, No. 8782/tinan XVII, loron Kuarta 14 Jullu 2010 ho geadline AMP-Fretilin Husu demite Pedro Belo no sub titulu Pedro: "Ha'u nunka Hatete la'os Tempu Sura kolen, Komandante PNTL ne'e nega katak nia maka hateten lia fuan hirak ne'e. Nune'e duni iha edisau no. 8783/tinan XVII loron kinta, 15 Jullu 2010, STL publika hadia fali no husu deskulba hafoin rekuinese failansu iha paragrafu 9 (Red: loloos Paragrafu 8) ne'ebe sita Pedro dehan, tempu atu sura kolen hanesan veteranu ka heroi liu ona. Ne'e la loos."
"Ba Failansu ne'e ami hato'o deskulba," hakerek STL.
Istoria kompletu Jornal ne’e sei hatuun iha semana oin......

No comments: