Tempo Semanal Edisaun 151

Maubere Oan Hariku Security Maubere Lda

Dili,Tempo Semanal

Lia fuan Maubere idéntiku ho luta ba libertasaun nasionál tan ba hanoin atu hasai povu ain tanan husi terus maibé ha­foin de Timor Leste Ukun rasik an ema bal­un sei uza nafatin naran Maubere ba ko­m­pania seguransa ne'ebé na'in husi e­ma estranjeiru no Timor oan balun.

Kompañia ne'e harii iha fulan Set­embru tinan 2004 husi ema na'in ualu ne'ebé hetan dominasaun maka'as husi em­a Australianu na'in rua ho totál direitu 85% kuota (saham) no ema Timor oan ida de'it maka iha direitu 5% no restu ne'e het­an 2% de'it. Tuir dokumentu aplikasaun ba rejistu no lisensamentu negósiu husi Ko­mpañia Maubere security Lda, iha min­istériu komérsiu, Indústria no Turizmu ne'­ebé jornál ne'e konsege asesu hatudu mo­moos katak Kompañia ne'e ninia na'in maka "warren Myles Knight ho Janice A­nn Knight ho nasionalidade Australianu."

Iha Fulan Agostu 2007 Kompañia ne'e ninia na'in aumenta ba sanulu ho oan Timor na'in hitu ne'ebé kada ida iha­ direitu kuota porsentu rua (totál hotu 14% ba Timor oan na'in 7) no Au­s­tralianu na'in tolu ne'ebé ho totál kuota 86% ho númeru traballadór hamutuk 1481,ema lokál hamutuk 1478 no es­tranjeiru ema na'in 3 de'it. Ikus liu tuir re­jistu Kompañia security Maubere Lda, iha MTCI diresaun nasionál do ko­m­érsiu doméstiku na'in husi ema na'in hitu de'it ona inklui ema estranjeiru ida. Hare ba dominasaun 'saham' husi ema estranjeiru ne'ebé uza naran ho ema ne'ebé maka maubere hodi hariku an iha Timor Leste, Agostinho P. C. Ximenes, estudante Universitáriu ida iha Dili liu husi jornál ne'e ezije ba Go­vernu atu foti medida s. "Ha'u hanoin se­ bele governu limita ema estranjeiru ho Timor oan balun uza naran istóriku nia­n ba sira nia interese ekonomia no polítika." Ha'u hare Kompañia ne'e ninia espíritu la'o ses husi hanoin ita nia eroi sira inklui DR. Horta ninia mehi iha tempu koloniál Portugés nia tempu maibé malae sira uza naran maubere hanehan fali ema ne'ebé la iha kbiit ekonomia hanesan Security Maubere halo daudaun ba Timor oan sira ne'ebé mak ba buka servisu iha sira."

Foin lalais liu ba mosu protesta husi traballadór Security Maubere Lda, nian iha Dili tan problema selu tarde saláriu ba guarda Security Maubere Lda ninian. jornál ne'e tenta atu konfirma ho Sr. Brendan G. Cass maibé nia sujere atu konfirma de'it ho Sr. Olímpio de Carvalho Soares. Sr. Olímpio hateten pro­b­lema ne'e tékniku ida no rezolve ona. "Ne'e sala tékniku de'it tan ba dia 01 monu iha loron Sábadu entaun ami labe­le selu sira nia osan no lanjut ba seg­unda," dale Sr. Olímpio via tele­movel ba TS nia jornalista.

Maubere nia oan sira ne'ebé servisu iha Kompañia Security Mau­b­e­re ne'e maiske manan vensimentu ki'ik no dala ruma selu tarde maibé sira sem­pre lees matan hodi asegura ba soin kliente s sira nian hanesan Mau­b­ere oan na'in hitu nulu resin neen mak tro­ka malu halo seguransa iha Ospitál nasionál Guido Valadares Bidau no ema na'in 21 hein Ospitál referal Oekusi nin­ian ne'ebé governu husu ona ba Ko­m­p­añia refere atu selu ho saláriu mínimu. Bainhira jornál ne'e konfirma kona ba ezijénsia governu liu husi Ministériu Sa­ú­de atu Kompañia sira ne'ebé manan tender ba halo seguransa iha ospitál ho­tu iha timor laran tenke selu pesoál ho saláriu mínimu US$115.00 ne'e, Sr. Olímpio rejeita.

"Governu iha kontratu la determina atu ida hanesan ne'e. La iha governu la define para Kompañia selu guarda sira ne'e maka ami selu sira US$100.00," Olímpio informa. Ba­i­nhira sani hikas ezijénsia Governu nian relasiona ho vensimentu ba seguransa ni­an no husu karik Security Maubere viola rekerimentu ruma husi Ministériu s­aúde ninian relasiona ho selu saláriu nin­ian.

Maibé ho fiar an maka'as Olímpio dehan "La iha, la iha. Ne'e la iha." Me­m­bru Maubere Security ida iha Ospitál Na­sionál ne'ebé lakohi atu publ­ika ninia na­ran hateten,dezde fulan Fev­ereiru nia si­mu saláriu U$ 94.00, ma­ibé hafoin si­ra halo 'tuntutan' iha fulan Maiu Ma­u­b­ere Security hasae sira nia saláriu ba U$ 100.00.

fonte s ne'e ko'alia ho lian makas hodi akuza katak Maubere Security han matak sira tanba sira sente katak serbisu ne'e hanesan fó han fali ba ema se­l­uk. "Ema sira ne'ebé iha Maubere security han matak ami."

"Loos duni, foin daudauk ami halo tunt­­utan ba Maubere Security tanba sira la iha sistema serbisu ne'ebé klaru ko­na ba oráriu simu saláriu nian, nune'e mós dala barak ona ami ba hasoru ma­ubere security nia 'bendehara' mai­b­é sira dehan imi bele ba kesar iha ne­'ebé de'it ami prontu atu ba hat­a­an"haktuir pesoál maubere Security ne'ebé ho insial AG

Seguransa ida seluk ho naran EJ dehan, "kontratu ne'ebé uluk maubere hatudu ba ami ne'e dehan katak saláriu ba ami U$ 95 tanba osan balu sira ko'a ba cuty, moras no ba razaun sira seluk, maibé realidade buat hotu la iha.

Tuir EJ katak, pior liu sira la tau matan ho di'ak ba ninia ema sira tanba dala barak ninia ema sira hetan problema iha loka si seguransa nian sira nunka ba rezolve mais sira abandona fali.

Totál membru Maubere Security ne­'ebé halo seguransa iha Ospitál Gu­i­do Valadares hamutuk ema na'in 76 maibé fahe ba sesaun 4 no kada ses­aun ema na'in 17.

Tuir dokumentu Ministériu saúde ninian define momoos katak kompañia tenke selu seguransa na'in sira ho tuir kritériu saláriu mínimu. Jornalista sani hikas ba nia rekerimentu husi surat Ministériu Saúde ninian mak hakerek ho letra "metan" ne'ebé ezije ba Ko­m­p­a­ñia atu, "selu ba seguransa sira (Sa­láriu Mínimu US$115.00.-kada ema, ka­da fulan, esklui husi kustu anuál no lis­ensa ba partu nian ne'ebé sai responsabilidade tomak ba kontrator (kompañia)."

Maibé jornál ne'e klarifika hikas ho Pe­soál Aprovizionamentu Ministériu Saúde nian, Sr. Avelino Britis informa kat­ak sira nia parte deside ona. "Min­i­sté­riu Saúde determina ona. Iha doku­m­entu s Kontratu Ministériu saúde dete­rm­ina tenke selu seguransa sira tuir saláriu nivel 1," Sr. Britis hateten.

Governu seidauk hatene katak Se­c­uri­t­y Maubere selu saláriu US$100.00 ba seguransa sira ne'ebé haknaar an ih­a Ospitál Bidau no Oekusi. "Ami se­i­da­uk hatene kazu ne'e," dehan Sr. Britis."Tuir Avelino Britis informa katak ospi­tál referal neen iha nasaun ne'e Kom­p­a­ñ­ia Security Maubere kaer seguransa ba Ospitál nasionál Dili ho Ospitál Oekusi. Kompañia Gardamor responsabiliza se­g­uransa ba iha Ospitál Baukau, Maubesi, Maliana ho Suai.

Iha parte seluk wainhira jornál ne'e klarifika ho funsionáriu ida husi kompañia Gardamor ne'ebé husu atu ninia naran labele publika sai ne'e hateten ninia parte halo tuir instrusaun ka ezijénsia husi pr­o­jetu na'in ninia. "Ami hare, halo tuir ona a­kordu ne'ebé halo ho governu,tan ba iha akordu hateten atu selu seguransa sira nia saláriu mínimu US$ 115.00. la iha problema," dehan funsionáriu Ga­r­damor. Governu Timor Leste liu husi Min­is­tériu Saúde asina ona akordu dok­u­m­entu s haat ho kompañia seguransa Gardamor ne'ebé fornese seguransa ba ospitál Baukau, Suai, Maliana no Maubisi. "Ami mós ema balun mai kest­iona kona ba guarda husi kompañia balun nia saláriu ne'ebé sira simu de'it UU$100. Hanesan timor oan ida, ha'u se­nte triste tanba saida kompañia mak ida seluk ne'e halo. Ha'u hanoin nia te­nke selu osan UU$ 100 atu nune'e nia b­ele hetan presu ida ke aas uitoan."

"Bainhira asina kontratu ho ospitál g­overnu determina ona sira nia "budget" iha ne'ebá 'x' amount' kompañia sira ne­'­ebé ba tuir konkursu iha ne'ebá halo konkorre se mak di'ak liu no mós presu ne'e tama ba iha 'budget, seguransa Ma­ubere no Gardamor mak hetan kon­tratu ne'e," nia esplika.

Nia konta tuir pagamentu vensimentu ba pesoál Gardamor ninia. "Kona ba vensimentu ami hetan husi Ministériu, no sira determina ona katak guarda ida tenke hetan vensimentu ne'ebé tuir sira nia direitu no ami mak implementa ba iha guarda ne'ebé servisu iha ospitál."

Gardamor halo seguransa iha fatin seluk mós, maibé, "sira nia deferénsia sal­áriu la hanesan, balun boot liu tiha os­pitál. Ezemplu embaixada balun selu ho pr­esu ida ke makas,"ami hanesan kompañia tuir de'it, tanba kliente hakarak atu selu vensimentu ba sira mai ami la iha problema."

"Saláriu di'ak tanba ami halo tuir akordu ne'ebé halo ho governu sira (Se­g­uransa) nia saláriu UU$ 115 ba sira ne'ebé servisu, portantu la iha problema kona ba saláriu," nia hateten.

Bainhira membru seguransa Gardamor mak iha problema saúde ka falta nia informa katak, "Ami mós iha se­guransa 'kasual' hodi taka fatin sira ne­'ebé falta maibé sira ne'e hanesan te­m­porada, dala ruma iha fulan ida sira hetan no mós dala ruma la hetan."

Nia informa katak durante tinan ida totál membru gardamor permanente ho totál pesoál iha ospitál referal 4 (haat) ha­n­esan Maubesi ema na'in 21,Maliana 24, Suai 94, Baukau 26.

"Saláriu ba seguransa sira ne'­e­bé servisu iha ospitál de'it, hotu-hotu hanesan de'it , tanba ospitál foin hahú. Maibé ema balun servisu tiha ona ba iha ospitál iha tinan 4/5 nia laran sira entrega fila-fali mai iha kompañia, portantu ema balun foin mak tama, maibé sira nia saláriu hanesan de'it."

Iha oportunidade ne'ebá staf Gar­damor ne'e husu atu Ministériu saúde bele foti medida s ba Kom­pa­ñ­ia nakar sira ne'ebé halo terus ba Maubere nia oan sira. "Depois hare ida ne'e mak akontese medida s sa­ida mak Ministériu atu halo, 'se ra ke' husik hela hanesan ne'e, kon­t­in­ua nafatin ba oin ka tenke fó 'per­in­g­atan' uitoan ba sira kona ba problema sal­áriu ne'e?" nia kestiona.

Nia mós ezije atu Ministériu saú­de atu tau atensaun ba pontu s 51%, tan ba, "realidade ne'ebé akontese fila-fali kontráriu. tanba saida?, la'ós tanba kompañia seguransa rua ou tolu problema.

la'ós ida ne'e. Maibé pr­oblema ne'e ita hare fila-fali ba 'keseriusan' governu iha parte ida ne'e, liuliu husi parte aprovi­zi­ona­m­e­ntu."Nia hatutan hato'o ninia duvida, "Agora se 51% la'o naran de'it entaun lalika tau 51% iha ne'e," nia ko'alia ho liman hatudu ba surat governu nian ida maka nia kaer hela iha liman karuk. Nune'e duni nia sujere ba governu kuandu buat hirak ne'e la hala'o, "entaun husik nia ba boron tiha de'it kuandu la hetan la iha problema."Tuir nia hare se governu la sériu atu rezolve problema ne'e entaun di'ak liu hasai tiha pontu 51% duke tau iha ne'ebá depois viola fali.

"Hanesan timor oan ida ha'u sente la dun satisfás kuandu 51% iha t­iha dokumentu s nia laran i depois la aplika ida hanesan mós kontra ona."Bainhira Governu la foti medida s hasoru Kompañia Security M­a­u­b­ere Lda maka bele tau imp­r­es­aun ba ema nia hanoin katak, "vi­ola lei ne'e la'ós hanesan ami emp­r­ezáriu ne­'e, mas membru governu rasik mak viola lei ne'ebé iha ne'e."(ts)